លក្ខណៈខុសគ្នារវាង អ្នកធ្វើការអោយគេ និង អ្នកដែលធ្វើការអោយឯង

មានទស្សនៈខុសៗគ្នា ចំពោះការរស់នៅក្នុងសង្គមបច្ចុប្បន្ន ទៅលើជីវភាពនៃការងារ សំរាប់ប្រកបរបរចិញ្ចឹមជីវិតប្រចាំថ្ងៃ។ អ្នកខ្លះគិតថាការធ្វើការអោយគេវាងាយស្រួលជាង ដល់ខែរបើកលុយៗ ឯអ្នកខ្លះទៀតចូលចិត្ត បង្កើតមុខរបរដោយខ្លួនឯង។ តើទស្សនៈទាំងពីរនេះមួយណាល្អជាង?

១) ​ដាក់ការរកប្រាក់ជាចំបង

ធ្វើការអោយគេ សន្សំលុយ ចំណាយតិចជាងចំណូល និងមិនលោភលន់ នេះជាជីវិតមានសុភមង្គលបំផុតសំរាប់មនុស្សទូទៅ។ ដែលទាំងនេះផ្ទុយពីគំនិតអ្នក ដែលធ្វើការអោយខ្លួនឯង ព្រោះគាត់តែងតែចង់យកលុយរបស់គាត់ ទៅវិនិយោគលើមុខរបរផ្សេងៗ បើមិនបានគាត់សំរាន្តមិនលក់ទេ។

២) ជីវិតរិៈថាំក្នុងគ្រួសារ

អ្នកដែលធ្វើការអោយខ្លួនឯង មានអត្តចរិកពូកែរិៈថាំ មិនហ៊ានទិញរបស់របរល្អសំរាប់ប្រើប្រាស់ក្នុងគ្រួសារទេ ព្រោះគាត់ទុកលុយនោះសំរាប់លើកស្ទួយអាជីវកម្មរបស់គាត់។ ចំណែកឯអ្នកធ្វើការអោយគេវិញ ចូលចិត្តទិញរបស់ដែលថ្លៃហើយមានគុណភាពមកប្រើប្រាស់ ព្រោះក្នុងរង្វង់សង្គមការងាររបស់គាត់មានតែអ្នកចាំរិៈគន់ភាគច្រើន។

៣) ហ៊ានប្រថុយនឹងស្ថានភាពចំពោះមុខ

អ្នកដែលធ្វើការអោយខ្លួនឯង ចូលចិត្តហក់លោត បើគាត់បរាជ័យនោះគាត់ចាត់ទុកថាជាបទពិសោធន៏។ ប៉ុន្តែបើគាត់មើលឃើញនូវសញ្ញាវិជ្ជមានវិញ នោះគាត់នឹងស្វះស្វែងរកទុនបន្ថែមដើម្បីផ្គត់ផ្គត់នូវអាជីវកម្មរបស់គាត់ជាក់ជាមិនខាន។

៤) ស្រលាញ់ទ្រព្យសម្បត្តិច្រើនជាងការប្រើប្រាស់

គំនិតរបស់អ្នកដែលធ្វើការអោយខ្លួនឯង ចូលចិត្តប្រើលុយអោយមានប្រយោជន៏ តាមដែលគាត់អាចធ្វើទៅបាន ឧទាហរណ៏ដូចជា ទិញម៉ូតូកង់បីដប់គ្រឿងទុកជួលអោយគេរត់ឌុប ដែលចំនួនទឹកលុយដដែលនេះអ្នកធ្វើការអោយគេ នឹងយកទៅទិញឡានសេរីថ្មីមួយដើម្បីជិៈទៅធ្វើការ។

៥) មានមហិច្ឆតាខ្ពស់

យើងទាំងអស់គ្នាត្រូវបានបង្រៀនកុំអោយសំលឹងខ្ពស់ពេក ក្រែងធ្លាក់មកវាឈឺ។ ប៉ុន្តែសំរាប់ទស្សនៈអ្នកដែលធ្វើការអោយខ្លួនឯងវិញ គឺមានមហិច្ឆតាខ្ពស់ណាស់។ គាត់ចូលចិត្តធ្វើអ្វីដែលគេគិតថាទៅមិនរួច អោយទៅរួច ព្រោះពួកគាត់គិតថាអាជីវកម្មមិនមែនជាជោគវាសនា តែជាការរិៈគិត។

បើតាមទស្សនៈរបស់ខ្ញុំផ្ទាល់គិតថា ការធ្វើការអោយគេគឺគ្រាន់តែជាការដោះទាល់មួយគ្រាតែប៉ុណ្ណោះ បើសិនជាមានឱកាសខ្ញុំនឹងប្រកបមុខរបរមួយដែលមិនប៉ៈពាល់ដល់ម៉ោងការងារគេ។ តែបើសិនជាគេរករឿងខ្លាំង ទើបសុំគេលាឈប់ ហើយមកប្រកបអាជីវកម្មរបស់ខ្ញុំយ៉ាងពេញទំហឹងតែម្តង៕