ហេតុផល ៥ចំណុច ដែលត្រូវស្វែងយល់ ទោះបីអ្នកមិនមែនជាអ្នកទីផ្សារក៏ដោយ

ការអភិវឌ្ឍន៏អោយមានភាពរីកចំរើន ចំពោះស្ថាប័ន ឬអង្គភាពណាមួយ សុទ្ធតែមានពាក់ព័ន្ធទៅនឹងនិយមន័យរបស់ Marketing ទាំងអស់។ ដូច្នេះបើមានចំណេះដឹងបន្តិចបន្តួចខាង ទីផ្សារ ក៏មិនមានអ្វីជាអាក្រក់ដែរ មិនថាអ្នកជាមន្ត្រីរាជការ ឬអ្នកលក់ដូរតូចតាចនៅតាមផ្លូវនោះទេ។ ហើយខាងក្រោមនេះជាហេតុផលដែលត្រូវចេះ Marketing ខ្លះៗ៖

១. យកចិត្តទុកដាក់ស្តាប់អ្នកដ៏ទៃ​

អ្នក​ទីផ្សារត្រូវការស្តាប់អោយបានច្រើន ដើម្បីស្វែងរកឱកាស និងបង្កើននូវទំនាក់ទំនងនៅក្នុងសង្គម។ ទន្ទឹមនឹងអ្នកណាៗក៏អាចក្លាយជាអ្នកពូកែស្តាប់បានដែរនោះ អ្នកទីផ្សារក៏ត្រូវតែចេះវិភាគទិន្នន័យផងដែរ។ ហើយនេះជាប្រតិបត្តការដោយផ្ទាល់មិនមែនប្រយោល អ្នកក៏ត្រូវចេះស្វែងយល់អំពីជំរៅចិត្តរបស់អ្នកនិយាយ ថាពួកគាត់ចង់បានអ្វី និងត្រូវការអ្វីជាចាំបាច់​។

២. ការសំរេចចិត្ត

ផ្នែកសំខាន់ដំបូងរបស់ទីផ្សារគឺទីផ្សារគោលដៅ។ បន្ទាប់ពីទទួលបានទិន្នន័យពីអតិថិជនរួចហើយ អ្នកត្រូវយកវាមកវិភាគដើម្បីធ្វើការកាត់ចំណែកទីផ្សារ។ មិនថាអ្នកជាវិចិត្រករ ឬក៏អ្នកលេងភ្លេង ការវិភាគទិន្នន័យបានយ៉ាងល្អិតល្អន់ចំពោះអតិថិជន ឬទស្សនិកជន មានន័យថាអ្នកយល់យ៉ាងច្បាស់លាស់ពីតួនារទី ឬអាជីវកម្មរបស់អ្នក។

៣. ​ប្រមូលផ្តុំនូវទំនុកចិត្ត

ទីផ្សារគឺជាការស្វែងយល់ និងទៅអោយដល់គោលដៅ។ អ្នកទីផ្សារល្អត្រូវតែចេះស្វែងយល់ពីជំរៅចិត្តរបស់មនុស្សគ្រប់រូប ដើម្បីធ្វើយ៉ាងណាអោយពួកគេងាកមកចាប់អារម្មណ៏ចំពោះសេវាកម្ម ឬផលិតផលរបស់លោកអ្នក។ បើសិនជាអ្នកអាននូវគំនិតរបស់អតិថិជនបានហើយ នោះនឹងមានភាពងាយស្រួលក្នុងការរាយការណ៏ ទៅអ្នកគ្រប់គ្រង ឬរៀបចំទីផ្សារគោលដៅដោយខ្លួនឯង។

៤. ការសន្សំសំចៃ​

ចំពោះអាជីវកម្មធុនតូច និងមធ្យមអាចមានភាពលំបាករឿងថវិការ ក្នុងការផ្សាយពាណិជ្ជកម្ម។ ដូច្នេះអ្នកត្រូវតែស្វែងរកមធ្យោបាយណាដែលអស់ប្រាក់តិចបំផុត និងមានប្រសិទ្ធិភាពខ្ពស់។ សព្វថ្ងៃនេះអ្នកទីផ្សារចូលចិត្តប្រើបណ្តាញទំនាក់ទំនងសង្គម ដើម្បីទៅអោយដល់ទីផ្សារគោលដៅរបស់ពួកគេ។

៥. យល់ដឹងពីអ្វីៗនៅជំវិញខ្លួន​

អ្នកទីផ្សារត្រូវតែដឹងអ្វីទាំងអស់ដែលកើតមានឡើងនៅជំវិញខ្លួន ដូចជាការអានសារពត៍មាន ចូលរួមពីធីបុណ្យផ្សេងៗ និងស្វែងយល់អំពីវប្បធម៌របស់ជនជាតិដ៏ទៃ។ ដែលទាំងនេះអាចអោយអ្នកពង្រឹង និងពង្រីកអាជីវកម្មរបស់អ្នកបានថែមមួយកំរិតទៀត៕